Валтер „Еди“ Таварес го запиша своето име во историјата на шпанската кошаркарска лига. Центарот на Реал Мадрид се најде на врвот на листата на најдобри блокадери на сите времиња по неговиот настап против Мирафлорес Бургос.
Таварес блокираше два шута во првото полувреме и го зголеми својот вкупен број на блокади во шпанската елита на 739. Со тоа, го подобри претходниот рекорд на Фран Васкез, кој имаше 738.
Центарот е се поблиску и до ново достигнување на листата на скокови. Со 2.858 контролирани скокови, тој го зазема осмото место, а пред него е Арвидас Сабонис со 2904 – разлика од само 46 скока.
Рекордот доаѓа во позадина на поограниченото време за играње на Таварес на почетокот на сезоната. Во своите први пет натпревари, 34-годишниот кошаркар во просек поминувал околу 16 минути на теренот, во споредба со 21 во претходните сезони.
Досега, тој има просек од 4,2 поени, 7,6 скока и 1,6 блокади по натпревар во ACB лигата.
