Ѕвездата на Челси, Кол Палмер, ги негираше извештаите дека е заинтересиран за трансфер во Манчестер Јунајтед. Неодамна во медиумите имаше бројни гласини дека офанзивниот играч од средниот ред сака да се приклучи на Манчестер Јунајтед за да се врати во својот роден град.
„Сите само зборуваат. Кога гледам, само се смеам. Очигледно Манчестер е мојот дом. Целото мое семејство е таму, но не ми недостига. Можеби ќе ми недостига ако не одам таму околу три месеци. Но, потоа кога ќе се вратам дома, размислувам за фактот дека таму и онака нема ништо што ме чека. Немам планови да го напуштам Челси. Сè уште имаме за што да се бориме. Полуфиналето на ФА Купот доаѓа и ако влеземе во Лигата на шампионите, тоа ќе ни даде добра можност да ги потпишеме играчите што ни се потребни“, изјави Палмер за „Гардијан“.
Англискиот репрезентативец е производ на младинската академија на Манчестер Сити. Тој се приклучи на Челси во летото 2023 година. Оваа сезона, 23-годишникот има 27 настапи во сите натпреварувања, а во нив запиша десет гола и три асистенции.
