Селекторот на американската репрезентација, Маурисио Покетино, не го повика Кристијан Пулишиќ во составот од 28 играчи за претстојните пријателски натпревари против Перу, Чиле, Мексико и Канада.
Тој одлучи значително да го подмлади националниот тим на почетокот на новиот четиригодишен циклус.
Заедно со Пулишиќ, кој неодамна се врати да игра за Милан по повредата на ногата заработена на Светското првенство, и напаѓачот Фоларин Балогун беше изоставен.
Наместо тоа, Покетино повика 13 играчи без ниту еден настап за националниот тим, вклучувајќи го и 16-годишното „чудо од дете“ Каван Саливан од Филаделфија Јунион.
A new cycle commences. 🇺🇸
Mauricio Pochettino has called up 28 players for a four-match window in September & October! #USMNT x @ouraring pic.twitter.com/ChaoDynJyj
— U.S. Soccer Men's National Team (@USMNT) September 17, 2026
„Мислам дека овие 28 играчи се најдобриот избор за следните четири натпревари во моментов. Не е важно што некој направил во минатото, ова е нов почеток и можност за сите. Фудбалот се игра денес и така сакаме да го градиме овој процес“, рече Покетино за изоставувањето на Пулишиќ и најавата за нов циклус пред Светското првенство во 2030 година.
Американците ќе ја отворат серијата пријателски натпревари на 26 септември со дуел против Перу во Орландо, по што ќе следат натпревари против Чиле (29 септември), Мексико (3 октомври) и Канада (6 октомври).
