Англиските навивачи воодушевени од новата ѕвезда на Сити: Целосна спротивност од неговиот татко

Флојд Самба (17) вчера го имаше своето деби за првиот тим на Манчестер Сити и не само што ја украде претставата на „Етихад“, туку и засени уште еден многу познат тинејџер од Манчестер, пишува Би-Би-Си по победата на Сити од 5-0 над Норич во ЕФЛ Купот. Тимот од „Етихад“ го освои осминафиналето на натпреварувањето и натпреварот против Брајтон и Хоув Албион.

„Статиите на порталите, објавите на социјалните мрежи и колумните во весниците оваа недела беа полни со вести дека високо оценетиот 15-годишен напаѓач Џеј-Џеј Габриел е на работ да го напушти Манчестер Јунајтед. Но, таа приказна ќе биде засенета од импресивно професионалното деби на 17-годишниот Самба, кој постигна два гола во победата на Сити од 5-0“, се додава во текстот со кој се претставува тинејџерот на јавноста.

Самба беше многу ефикасен во тимот на Сити до 18 години минатата сезона, а неговите добри настапи му донесоа промоција во првиот тим ова лето под новиот тренер Енцо Мареска. Тој се приклучи на академијата на Сити како играч до 9 години, а минатата сезона почна да привлекува поголемо внимание кон себе.

Во својата прва целосна сезона со тимот до 18 години, тој постигна 24 гола и регистрираше 10 асистенции. Тој ги одигра сите 90 минути на своето деби во првиот тим и ја искористи максимално својата можност, се истакнува во статијата, а англиските медиуми заклучуваат: „Родена е нова ѕвезда“.

Презимето Самба е добро познато на постарите следбеници на Премиер лигата, објавува Би-Би-Си, забележувајќи дека Флојд е син на поранешниот дефанзивец на Блекбурн и КПР, Кристофер Самба, кој одигра 171 натпревар во Премиер лигата за тие два клуба, а уште 12 во Чемпионшип за Астон Вила.

„Како брз и агилен напаѓач, Флојд е различен тип играч од неговиот татко Кристофер, кој беше висок, силен и бескомпромисен дефанзивец“, се вели во статијата.