Англичанецот Маркус Рашфорд нема да игра за Барселона следната сезона. Имено, каталонскиот клуб одлучи да не ја искористи опцијата за откуп на договорот вреден 30 милиони евра, договорен со Манчестер Јунајтед минатото лето како дел од позајмицата.
Англискиот напаѓач затоа се враќа во својот матичен клуб, според шпанските медиуми.
„Марка“ наведува дека главната причина за оваа одлука е неодамнешното доаѓање на Ентони Гордон. Имено, поранешниот играч на Њукасл игра на истата позиција каде што е стандарден Рафиња, што создаде вишок играчи во нападот.
Покрај тоа, операцијата за доведување на Гордон беше и финансиски значајна, со оглед на тоа што Барселона плати 70 милиони евра за него.
Рашфорд играше коректно за Барселона минатата сезона. Во 49 одиграни натпревари, постигна 14 голови и имаше ист број асистенции.
