Поранешната бразилска ѕвезда Роналдињо му се обрати на Лионел Меси со емотивни зборови во пресрет на неговиот проштален натпревар за аргентинската репрезентација.
„Какво задоволство и каква радост е да се биде дел од твојата приказна од првиот ден, брате! Нè насмеа толку многу и нè натера да уживаме во фудбалот!!! Твоето име е запишано во историјата на твојата земја и на целиот свет… Само ние ја знаеме радоста што ја почувствувавме, исполнувајќи го нашиот детски сон – да го претставуваме целиот наш народ и да станеме светски шампиони!!! Даде сè за твојата репрезентација и за твојата татковина… Те разбирам совршено и знам дека сè што е поврзано со семејството нè тера да ги преиспитаме работите… Уживај во животот, брате. Ти посакувам се најдобро, денес и засекогаш“, напиша 46-годишниот Роналдињо на социјалните мрежи.
Двајцата Јужноамериканци беа соиграчи во Барселона помеѓу 2004 и 2008 година. Кога Меси го имаше своето деби, Роналдињо беше водечката фигура во каталонскиот тим.
Во мај 2005 година, Меси го постигна својот прв гол за тимот на Барселона во натпревар против Албасете по брилијантна асистенција од Роналдињо.
Qué placer y qué alegría haber formado parte de tu historia desde el primer día hermano! Nos hiciste sonreír y disfrutar tanto del fútbol!!! Tu nombre está en la historia de tu país, de todo el mundo… Solo nosotros sabemos la alegría que sentimos al cumplir nuestro sueño de infancia, representar a toda nuestra nación y ser campeones del mundo!!!! Lo diste todo por tu selección y por tu país… Te entiendo perfectamente y sé que todo lo relacionado con la familia nos hace replantearnos las cosas… Disfruta de la vida, hermano. Te deseo lo mejor, hoy y siempre
— Ronaldinho (@10Ronaldinho) October 6, 2026
