Еден од спортските директори на Баерн (Минхен) – Кристоф Фројнд, зборуваше со медиумите по првиот летен тренинг камп на германскиот шампион. Во него, Баварците, кои беа без своите големи ѕвезди и главно со тинејџери, загубија со 1:2 од третолигашот Вехен (Визбаден).
Секако, директорот прво беше прашан за шпекулациите за Мајкл Олисе и неговиот можен трансфер во Реал Мадрид, на што тој категорично одговори: „Ова воопшто не е тема за нас. Со нетрпение го очекуваме враќањето на Мајкл од паузата. Тој ќе игра важна улога за Баерн оваа сезона, како што беше случај и минатата сезона.“
Фројнд, исто така, коментираше за иднината на Жоао Палиња и Саша Боеј, кои се вратија од позајмица и играа на денешниот пријателски натпревар: „Тие тренираат со нас, но повеќе нема да играат важна улога во тимот – тие се свесни за тоа. И двајцата се добри играчи. Сега ќе продолжат да тренираат и да играат со нас, но планот е следниот чекор да го направат на друго место“.
Christoph Freund on Olise/Real Madrid rumours: "That's not a topic for us at all. We're looking forward to Michael returning from his vacation. He will play an important role for FC Bayern this season, just as he did last season as well." [@_kochmaximilian] pic.twitter.com/vb0BYnPxuQ
— Bayern & Germany (@iMiaSanMia) July 25, 2026
Не е наш план повторно да ги позајмиме, но на трансфер пазарот не можеме ништо да исклучиме. Мислам дека и двајцата се добри играчи и имаат пазарна вредност. Жоао беше важен фактор за опстанокот на Тотенхем во Премиер лигата. Саша одигра добри натпревари во Турција. Мислам дека се добри играчи кои би се вклопиле во многу тимови.“
Конечно, директорот на Баерн зборуваше и за можните нови летни засилувања за Баварците: „Направивме значителен напредок. Исто така, не сакаме составот да биде преголем оваа година. Се обложуваме на квалитет и, се надеваме, на играчи кои ќе бидат достапни во текот на целата сезона. Нема да има многу промени во однос на нови засилувања. Многу сме задоволни од моменталната состојба и веруваме дека го имаме потребниот состав.“
 - Кристоф Фројнд, зборуваше со медиумите по првиот летен тренинг камп на германскиот шампион. Во него, Баварците, кои беа без своите големи ѕвезди и главно со тинејџери, загубија со 1:2 од третолигашот Вехен (Визбаден)){kind=link}