Напнато лето го очекува претседателот на Атлетико Мадрид, Енрике Серезо. Сагата со Хулијан Алварез продолжува да биде дел од неговиот секојдневен живот, постојано го прашуваат медиумите во секоја прилика и веќе е, буквално, уморен од темата.
„Сакате постојано да го повторувате ова и заморувате. Да, пристигна понуда од Реал Мадрид на Флорентино Перез и веќе знаете каков беше одговорот“, рече тој остро кога беше прашан за понудата од 150 милиони евра што „кралевите“ ја дадоа за аргентинскиот напаѓач.
Гневот на претседателот на „јорганџиие“ е толку голем што го измеша презимето на својот играч четири пати за време на неговите изјави за печатот. „Хулијан Лопез (Алварез) е играч на Атлетико Мадрид и кој го сака Хулијан Лопез (Алварез) нека дојде да го види договорот и ако му одговара, ќе го прифати; ако не, нема да го прифати“, рече тој, цитиран од „Спорт“.
🔥 El enfado de Enrique Cerezo cuando se le pregunta por el caso Julián Álvarez.
▪️ "Sí, llegó la oferta del Real Madrid de Florentino y ya sabéis lo que se dijo al Real Madrid".
▪️ "Queréis repetir continuamente esto y uno ya se cansa. Julián es jugador del Atlético de… pic.twitter.com/Jl91uWjnTY
— ElDesmarque (@eldesmarque) June 17, 2026
Сепак, оној кој се чини дека е помалку сигурен е поранешниот играч на Манчестер Сити, кој, барем јавно, не ја искажа јасно својата желба да остане во Атлетико Мадрид. А аргентинскиот интернационалец е посакуван и од Барселона.
„Ова е летниот рефрен. Веќе знаете каква е ситуацијата. Хулијан е играч на Атлетико Мадрид и мислам дека ќе остане играч на Атлетико Мадрид. Кој го сака, нека дојде и ќе го види договорот. Ви го повторувам повторно. Немаме информации за ништо друго. Имаме договор со него. Ако има интерес, тој ќе си замине“, повтори Серезо.
Потоа неговиот тон се повиши: „Доста со приказната за Хулијан Лопез (Алварез)! Денот кога Хулијан Лопез (Алварез) повеќе нема да биде играч на Атлетико Мадрид, ќе разберете“, заклучи тој.
