Мајкл Карик испрати јасна порака до одборот на Манчестер Јунајтед, повикувајќи ги да „продолжат да притискаат“ за повеќе потписи ова лето.
„Црвените ѓаволи“ веќе го засилија својот среден ред со потписите на Јури Тилеманс од Астон Вила и Андре Сантош од Челси, додека Карл Дарлоу пристигна како слободен трансфер од Лидс за да дејствува како резервен голман. Сепак, нивната вкупна потрошувачка од 85 милиони фунти е далеку зад нивните ривали од Премиер лигата.
Помина еден месец откако Јунајтед објави ново потпишување и само 19 дена до затворањето на преодниот рок на 1 септември, првиот натпревар на тимот во сезоната 2026/27 е девет дена оддалечен, што го натера Карик јасно да го искаже својот став.
„Мислам дека имаме прилично добра рамнотежа во тимот, но би сакале повеќе, мора да продолжиме да притискаме за повеќе“, изјави тој за „Манчестер Ивнинг Њуз“.
Карик е заинтересиран да доведе лев бек кој ќе се натпреварува со Лук Шо, а Луис Хол од Њукасл е главна цел, како и уште еден централен играч од средниот ред. Откако ја презеде функцијата привремен менаџер во јануари за да го замени Рубен Аморим, неговиот тим е ограничен на натпреварување во Премиер лигата. Сепак, Карик е свесен дека претстојната сезона ќе биде многу потешка со враќањето на Јунајтед во Лигата на шампионите и натпреварувањето во други купови.
Ова лето беше исполнето со огромни трансфери, а Морган Роџерс, Елиот Андерсон и Сандро Тонали заминаа за 100 милиони фунти или повеќе. Имено, рекордниот трансфер на Јунајтед останува оној на Пол Погба од Јувентус за 89 милиони фунти во 2016 година.
На прашањето дали Јунајтед можеби ќе мора да го сруши тој рекорд ова лето, Карик одговори: „Малку зависи од позицијата, што имате и каква динамика ви е потребна во одредени моменти. Понекогаш е така ако е вистинскиот играч.
„Повторно, не станува збор само за парите, не е гаранција. Мора да биде вистинскиот играч и подобар од она што го имаме. Тоа е нешто кон што мора да се стремиме со текот на времето – постојано да го подобруваме тимот на различни начини“, додаде тој.
Керик е исклучително задоволен од влијанието што Санто[ го имаше откако дојде од Челsи за 50 милиони фунти. Менаџерот нагласи дека комуникацијата со директорот за фудбал Џејсон Вилкокс и извршниот директор Омар Берада останува добра.
„Во постојана комуникација сме за тоа каква работа треба да направиме и каде сакаме да се подобриме. Јасни сме во нашите пораки дека треба да продолжиме да се залагаме и дека има одредени работи што сакаме да се обидеме да ги направиме, но тие мора да бидат вистинските.“
