Арне Слот синоќа изјави дека е важно Ливерпул да се фокусира на следниот натпревар, наместо да гледа премногу далеку во иднината. Зборувајќи на прес-конференција пред нивниот прв натпревар од четвртфиналето на Лигата на шампионите против Пари Сен Жермен, шефот на „црвените“ беше реалистичен во врска со шансите на својот тим со оглед на тешката ситуација во која се наоѓа клубот од Мерсисајд.
„Не мислам толку далеку напред, особено кога играме против ПСЖ. Тие се европски шампиони и целосно го заслужуваат тоа. Беа толку импресивни минатата сезона, а можеби и уште повеќе оваа сезона. Тие се уште се многу добар тим, но деталите можат да направат целата разлика.
Пеналите направија разлика минатата година и тие продолжија да освојуваат сè. Обично тимот мора да победи по изведување пенали во Лигата на шампионите или на Светското првенство за да помине понатаму.
Колку и да сакам да верувам дека нема среќа во пеналите, понекогаш можеби има некаква врска со среќата. Донарума беше одличен во тие настапи“, рече Слот.
