Исклучително спектакуларниот судир помеѓу Арсенал и Манчестер Јунајтед, кој заврши 3-2 во корист на „црвените ѓаволи“ на „Емирати“, е избран за натпревар на сезоната, објави Премиер лигата.
Трилерот, кој се одигра на 25 јануари, им понуди на навивачите извонреден спектакл, пресврти и дури пет гола.
На крајот, овој пораз не се покажа како фатален за „топџиите“, кои и покрај тоа триумфираа со шампионската титула.
The best match from the 2025/26 season, as voted by YOU 🫵
🔴@Arsenal 2-3 @ManUtd ⚫️https://t.co/WhEOpy1OFt pic.twitter.com/Q1oCFvI0PG
— Premier League (@premierleague) June 11, 2026
Натпреварот доби 50% од сите гласови на навивачите, а интересен детаљ е што и во вториот натпревар на ова рангирање учествуваше Манчестер Јунајтед и тоа беше нивниот нерешен резултат 4-4 со Борнмут.
Трет во изборот на навивачите е импресивниот триумф на Манчестер Сити од 5:4 над Фулам.
