Катастрофални вести за ПАОК – Осман мора на операција на коленото

Кошаркарот на ПАОК, Чеди Осман, го повреди коленото и ќе биде опериран, објави клубот од Солун.

Турскиот интернационалец се повреди против Рома. По денешните прегледи, му беше дијагностицирана повреда на менискусот на десното колено.

„Чеди Осман утрово беше подложен на магнетна резонанца. Тестовите покажаа дека има повреда на менискусот на десното колено и ќе биде опериран во наредните денови“, објави грчкиот клуб.

Ρήξη μηνίσκου και χειρουργείο για τον Cedi Osman.
🔗 https://t.co/rRtIVn8ww7

Cedi Osman to Undergo Surgery for Meniscus Tear.
🔗 https://t.co/kAimD3PDJV https://t.co/eFz7GksCNI

— PAOK BC (@PAOKbasketball) November 4, 2026

Поранешниот играч на Кливленд и Сан Антонио има просек од 22,2 поени по натпревар во Еврокупот, заедно со 4,3 скока и 1,7 асистенции.

Осман пристигна во Солун во јули оваа година од Панатинаикос.