Александар Зверев неславно ја започна својата ера на врвот на АТП листата. Лоренцо Мусети го победи со 7-6(5), 6-2 во второто коло од Мастерс 1000 турнирот во Париз, само два дена откако Германецот стана број еден во светот.
Италијанецот го доби натпреварот во Арената „Ла Дефенз“ за еден час и 42 минути.
Првиот сет траеше еден час и пет минути и беше решен во тај-брејк откако двајцата играчи ги задржаа своите сервиси, а Мусети го доби и покрај тоа што заостануваше со 2-5.
Вториот сет беше помалку интересен, завршувајќи 6-2 за Италијанецот со два брејка.
Зверев беше прв носител и го зазеде првото место на АТП ранг-листата во понеделникот пред Јаник Синер.
Мусети моментално е 24-ти на АТП листата, а во првото коло во Париз го победи Хуберт Хуркач со 7:6 (3), 7:6 (10). Зверев беше слободен во првото коло.
Пред овој натпревар, Мусети водеше со 3:2 во нивните дуели, а последен пат играа во Виена во 2025 година, кога Зверев победи со 6:4, 7:5. Сега Италијанецот води со 4:2.
Французинот Лука Ван Аше, 47-ми на АТП листата, го чека Мусети во осминафиналето.
, 6-2 во второто коло од Мастерс 1000 турнирот во Париз, само два дена откако Германецот стана број еден во светот){kind=link}