Германскиот интернационалец Ник Вајлер-Баб е нов кошаркар на Црвена Звезда, објави белградскиот клуб. Вајлер-Баб е шестото засилување на црвено-белите пред сезоната 2026/2027.
Вајлер-Баб се приклучува на Црвена Звезда откако претходно играше за Анадолу Ефес.
Германскиот кошаркар е роден на 12 декември 1995 година во Топека, Канзас. Висок е 196 сантиметри и игра како бек.
Во текот на својата кариера, играл за Лудвигсбург, Баерн и Ефес, а е познат првенствено по својата дефанзивна игра.
NICK, WELCOME TO BELGRADE AND OUR RED AND WHITE FAMILY! 🔴⚪️#kkcz #WeAreTheTeam #CrvenoBelaPorodica pic.twitter.com/jAMByonjsc
— KK Crvena zvezda Meridianbet (@kkcrvenazvezda) August 9, 2026
Вајлер-Баб е исто така член на германската репрезентација, со која го освои бронзениот медал на Европското првенство во 2022 година.
Германскиот интернационалец е шестото засилување за „црвено-белите“ во тековниот преоден рок, по Џонс, Мотли, Болдвин, Кремер и Медаревиќ.
Дејан Давидовац и Џими Батлер претходно ги продолжија договорите со тимот.
Црвена Звезда објави дека ќе ја информира јавноста за следните потези во преодниот рок преку официјалните клупски сметки.
