Американскиот претседател Доналд Трамп веќе се вмеша во спортските работи, особено за време на Светското првенство во фудбал, а сега реши да коментира за еден од најконтроверзните трејдови во НБА во последните години.
За време на Светското првенство, Трамп успеа да влијае на ФИФА да направи исклучок од едно од основните фудбалски правила, според кое играчот го пропушта следниот натпревар по црвен картон. Така, Фоларин Балогун се појави против Белгија во осминафиналето, иако претходно доби црвен картон против Босна и Херцеговина.
Трамп потоа отворено призна дека лобирал кај претседателот на ФИФА, Џани Инфантино, суспензијата да биде укината.
Сега, за време на политичката кампања на Републиканската партија во Далас, тој зборуваше во салата на Далас Маверикс, каде што Лука Дончиќ беше најголема ѕвезда со години, па се осврна на неговото заминување во Лос Анџелес Лејкерс.
„Морам да ви кажам, не го разбирам тој трејд. Нема да биде најдобриот во историјата на спортот туку ќе биде најлошиот“, рече Трамп.
Тој го спореди трејдот на Дончиќ со познатиот трејд на Бејб Рут од Бостон Ред Сокс во Њујорк Јенкис.
„Трејдот на Рут засекогаш ќе биде најлош, но трејдот на Лука? Можеби можеме да го вратиме, мора да го направиме тоа. Не го разбирам тој трејд. Некои ги разбирате, некои не…“ додаде американскиот претседател.
Секако, тешко е да се очекува дека зборовите на Трамп би можеле да имаат вистинско влијание врз НБА. Лигата ги регулира своите операции и активности независно, а откажувањето на веќе спроведен трејд поради политичка интервенција не е реално сценарио.
Во меѓувреме, Дончиќ се подготвува за сезоната 2026/27, во која ќе ја игра улогата на главен играч на Лејкерси по заминувањето на Леброн Џејмс.
