Кошаркарскиот свет беше сведок на уште еден трилер во финалето на НБА во 2026 година, но централната тема по драматичната победа на Њујорк Никс над Сан Антонио Спарс (107:106) не е само резултатот, туку и судбината на првата ѕвезда на тимот од Тексас. Виктор Вембањама е во огромни проблеми и е во опасност да пропушти еден од следните натпревари од големото финале поради акумулирани дисциплински поени!
На француската суперѕвезда и беше досуден намерен фаул во текот на третата четвртина од четвртиот натпревар по еден исклучително контроверзен детаљ. Вемби, во дефанзивна акција, диво замавна со десната рака и го удри со лакт центарот на Никс, Карл-Ентони Таунс, во брадата.
Одлуката на судиите да го променат овој контакт во намерен фаул по видео прегледот има тектонски последици за продолжението на серијата. Вембањама сега има вкупно три казнени поени за намерни фаулови (Flagrant points) во плејофот оваа година. Според строгите правила на НБА, следното такво прекршување ќе резултира со автоматска суспензија од еден натпревар и суспензија од финалето!
Victor Wembanyama has been assessed a Flagrant 1 foul for elbowing Karl-Anthony Towns.
Wemby is now one Flagrant Foul point away from a 1-game suspension.pic.twitter.com/NSpCMC44nK
— Underdog NBA (@UnderdogNBA) June 11, 2026
Инцидентот се случи на 9:27 минути до крајот на третата четвртина. Таунс бe[e соборен од ударот, и остана да лежи на подот на „Медисон Сквер Гарден“, а судиите немаa дилема откако го гледале видеото. По натпреварот, новинарите го прашаa младиот Французин дали заканата со суспензија ќе го промени неговиот пристап кон играта во остатокот од финалната серија.
„Секако, ќе морам да бидам малку повнимателен, но тоа навистина нема да го промени мојот начин на игра“, рече ладнокрвно Вембањама.
За потсетување, Вембањама веќе беше на работ на неспортски фаул за време на оваа серија кога го турна Џејлен Брансон во претходниот натпревар. Иако беше цел на критики, НБА, или поточно судиите, не досудија неспортски фаул во тој натпревар.
