🎥Ѓоковиќ пречекан со аплаузи во Рим, ги покажа и своите фудбалски вештини

Српскиот тенисер Новак Ѓоковиќ ќе го игра својот прв турнир по речиси двомесечна пауза. Тој го одигра својот последен натпревар на 12 март, кога загуби од Џек Дрејпер во осминафиналето на Индијан Велс, а потоа го пропушти Мастерсот во Мајами, Монте Карло и Мадрид поради повреда на рамото.

Сега се враќа на турнирот во Рим, кој го освои шест пати во текот на кариерата, а во италијанската престолнина го имаше и својот прв тренинг со перуанскиот тенисер Игнасио Бусе.

Публиката во Рим аплаудираше при појавувањето на Ѓоковиќ на теренот, а Србинот во еден момент ги покажа и своите фудбалски вештини, а сè беше емитувано од АТП на мрежата Х.

Just Novak doing Novak things… wait for the end, trust us 😉@InteBNLdItalia | #IBI26 pic.twitter.com/tI3PxM05cz

— ATP Tour (@atptour) May 4, 2026

Главниот дел од турнирот во Рим започнува во среда, 6 мај, а ждрепката утврди дека Ѓоковиќ ќе игра во второто коло против победникот од дуелот Мартон Фучовиќ – квалификант.

Прв носител е Јаник Синер, а Карлос Алкараз нема да го брани трофејот што го освои минатата година на „Форо Италика“, поради повреда на зглобот.