Германскиот централен дефанзивец, Антонио Ридигер би можел да го напушти Реал Мадрид на крајот од сезоната. „Кралскиот клуб“ наводно нема намера да му понуди нов договор, а идеалната замена веќе е пронајдена.
Ридигер пристигна на „Сантијаго Бернабеу“ во летото 2022 година како сензационално засилување од Челзи, целосно бесплатно откако му истече договорот. Се чини дека истата судбина би можела да се повтори, но во спротивна насока.
Информациите од Мадрид сугерираат дека Реал е подготвен да го пушти на лето без обештетување. Иако 32-годишниот Германец се надеваше дека ќе ја продолжи соработката, губењето на местото во почетниот состав под водство на Жозе Мурињо ги принуди челниците на клубот да се свртат кон други опции.
Колку е запоставен најдобро покажува фактот дека оваа сезона има само шест настапи во сите натпреварувања, додека натпреварите против Барселона и Расинг ги гледаше од клупата. Шпанските медиуми тврдат дека приказната за Ридигер во Мадрид е завршена бидејќи Реал веќе има подготвено замена.
Станува збор за 21-годишниот шпански дефанзивец Јакоб Рамон, кој оваа сезона беше брилијантен за италијанскиот клуб Комо. Рамон напредуваше низ младинските редови на Реал, но клубот го продаде на Комо за 2,5 милиони евра пред една година. Сепак, Мадрид мудро се осигура со клаузула за откуп од 9 милиони евра, која планира да ја активира на крајот од сезоната.
Управата на Реал го гледа како долгорочно решение и верува дека е попаметно да инвестира во млад и моќен дефанзивец отколку да го задржи искусниот Ридигер, чиј статус во тимот драстично се намали. Додека Рамон се подготвува за своето големо враќање дома, германскиот дефанзивец веќе е силно поврзан со клубови надвор од Шпанија, а клубовите од англиската Премиер лига покажуваат најголем интерес досега.
