📷Алонсо се враќа на Дакар: Нов предизвик со Астон Мартин

Двократниот светски шампион во Формула 1, Фернандо Алонсо (45), повторно ќе се натпреварува на едно од најсложените автомобилски натпревари во светот, релито Дакар, кое ќе се одржи во Португалија и Мароко во јануари 2027 година

Прегледи:

Датум:

Двократниот светски шампион во Формула 1, Фернандо Алонсо (45), повторно ќе се натпреварува на едно од најсложените автомобилски натпревари во светот, релито Дакар, кое ќе се одржи во Португалија и Мароко во јануари 2027 година.

Шпанецот ќе се натпреварува за Астон Мартин, тимот чии бои ги брани и во Формула 1, и ќе биде зад воланот на специјално подготвено возило „Дредноут“. Тоа ќе биде прво појавување на британскиот производител на познатото рели, каде што ќе има дури три екипажи.

Алонсо ќе го има за совозач Марк Кома, петкратен победник на Дакар во категоријата мотоцикли, со кого соработуваше и за време на неговото прво појавување во 2020 година.

Во тоа време, Шпанецот, возејќи Тојота, го освои 13-то место во генералниот пласман, повеќе од четири и пол часа зад победникот Карлос Саинц. За време на релито, тој имаше неколку проблеми, вклучувајќи превртување на возилото во десеттата етапа.

Овој пат, Алонсо ќе пристигне на Дакар како активен возач во Формула 1, откако го продолжи договорот со Астон Мартин во септември.

„Откако решив да ја продолжам кариерата во Формула 1 со Астон Мартин, сериозно размислував за Дакар. На крајот, одлуката беше едноставна. Сакав да го прифатам предизвикот и да се натпреварувам во Формула 1 и во Дакар во истата година“, рече Алонсо.

Астон Мартин ќе има исклучително силен состав на релито. Покрај Алонсо, британскиот тим ќе го возат деветкратниот светски шампион во рели Себастијан Леб, како и актуелниот светски шампион во рели-рејд – Лукас Мораеш.

Интересно е што „Дредноут“ првично беше дизајниран како виртуелно возило за видео играта „Call of Duty: Modern Warfare 4“, а сега, со помош на британската компанија Prodrive, ќе биде трансформиран во натпреварувачки автомобил.

Екстремните предизвици не се непознати за Алонсо. За време на неговата пауза од Формула 1, од 2019 до 2021 година, тој се посвети на други автомобилски натпревари. Тој двапати ја освои престижната трка 24 часа Ле Ман, а славеше и на трката 24 часа Дејтона. Се обиде и на легендарната 500 милји во Индијанаполис, но без успех.

„Формула 1 останува мој приоритет. Сепак, јас сум тркач и токму за вакви предизвици сакам да се натпреварувам. Со нетрпение ја очекувам можноста да видам што можеме да постигнеме“, рече Алонсо.

Дакар ќе се одржи во 2027 година од 9 до 23 јануари, а организаторите одлучија да го преместат натпреварувањето од Саудиска Арабија поради безбедносната ситуација на Блискиот Исток.

Натпреварувачите ќе се соочат со 12 етапи, почнувајќи од Португалија и завршувајќи во Маракеш. Тоа ќе биде и враќање на легендарното рели на африканскиот континент, за прв пат од 2007 година.

Сподели:

повеќе вести
ПОВРЗАНИ

📽️ Роналдо постојано го покажува овој симбол: „Дали сфативте што значи?“

Кристијано Роналдо објави видео на своите канали на социјалните...

Александар Волков потпиша нов договор со UFC, преговара за меч за титулата

Рускиот борец во тешка категорија Александар Волков потпиша нов...

Хабиб Нурмагомедов преговарал за ослободување на Усман откако властите на ОАЕ интервенирале?

Поранешниот шампион на УФЦ, Хабиб Нурмагомедов, успеал да преговара...

Антонели веќе размислува за следната сезона: Шампионот го именуваше најголемио „проблем“ во 2027 година

Андреа Кими Антонели има сезона од соништата во Формула...