Мераб Двалишвили го прекина молчењето откако беше нападнат од Усман Нурмагомедов и неговиот тим во Абу Даби. Поранешниот шампион во бантам категорија на UFC испрати порака за мир и откри дека нема намера да поднесе тужба против борецот од Дагестан и неговиот тим.
За потсетување, инцидентот се случи во хотел во Абу Даби, каде што Двалишвили престојува пред неговото претстојно појавување за промоцијата на борбената организација RAF. Додека снимал промотивен материјал за гореспоменатата организација, Нурмагомедов пристигнал во хотелот во придружба на своите колеги.
Нурмагомедов и неговата придружба му се приближиле на Двалишвили, по што Дагестанецот го удрил поранешниот шампион во бантам категорија на UFC. Овој потег предизвикал општа тепачка во која популарниот „The Machine“ и неговиот пријател се нашле во помал број.
Двалишвили објави видео од инцидентот кратко потоа, критикувајќи го Нурмагомедов за неговите постапки, а локалните власти во Абу Даби ги приведоа сите вклучени во тепачката.
Претходно беше потврдено дека властите ги казниле Усман Нурмагомедов и неговата придружба и ги осудиле на шест месеци затвор. Двалишвили, од друга страна, исто така беше казнет за неговата улога во тепачката, но избегна затворска казна бидејќи беше утврдено дека дејствувал во самоодбрана.
Властите наводно обвиниле и еден од соиграчите на Нурмагомедов за снимање на инцидентот.
Сега кога жештината очигледно се смири, Двалишвили се огласи на својот профил на социјалните мрежи X за да им изрази благодарност на своите фанови и на луѓето од Абу Даби.
Just want to let everyone know I have been released and I am good,healthy and ready to go . I want to thank everyone in Abu Dhabi for your help in resolving this matter. I love visiting Abu Dhabi and am happy to be welcomed. I do hope that they release everyone – i would not press charges. I want peace and the best for all. Thanks everyone for your love and support🦾
— Merab “The Machine” Dvalishvili (@MerabDvalishvil) November 13, 2026
„Само сакам да им кажам на сите дека сум ослободен, дека сум добро, здрав и подготвен да продолжам понатаму. Сакам да им се заблагодарам на сите во Абу Даби за нивната помош во решавањето на оваа ситуација. Обожавам да доаѓам во Абу Даби и среќен сум што секогаш сум добро примен тука“, напиша Двалишвили, а потоа додаде:
„Навистина се надевам дека ќе ги пуштат сите други да си одат – нема да поднесам никакви обвиненија. Посакувам мир и најдобро за сите. Ви благодарам на сите за вашата љубов и поддршка.“
