Сопругата на Кевин Де Бруин, Мишел, ги поттикна шпекулациите дека играчот од средниот ред на Наполи би можел да го напушти клубот оваа зима, по расправијата со тренерот Масимилијано Алегри и некои од неговите соиграчи.
Таа тврди дека белгискиот интернационалец е исто така незадоволен од својот живот во Неапол и сака што поскоро да се врати во својата татковина.
„Секако дека заедно размислуваме за иднината. Сè почесто си велиме еден на друг: „Ќе се вратиме да живееме овде во Лимбург (белгиска покраина – н.з.)“. Колку побрзо се случи тоа, толку подобро. Кевин има многу ограничен живот во Неапол. Не се забавува многу. Плус, не можеме ништо да правиме заедно како семејство во градот. Тоа е другата страна на медалот, нели? Во Манчестер беше поинаку. Таму каде што живеевме, луѓето нè гледаа толку често што веќе не го сметаа тоа за ништо посебно. Можевме да излеземе без да бидеме фотографирани ниту еднаш. Во Неапол, сепак, тоа е невозможно. Во одреден момент, фудбалот повеќе не е приоритет. Сте постигнале и направиле сè. Па зошто би сакале да ги превртите животите на вашите деца наопаку?“, сподели Мишел де Бруин во интервју за белгиското списание NINA.
