Червар: Сакам да ги воспитам играчите да бидат вистински луѓе, но и врвни ракометари

Еурофарм Пелистер влегува во исклучително напорен период, во кој битолчани ги очекуваат неколку сериозни предизвици на домашната и европската сцена. Пред дуелот со германскиот Гумерсбах, од таборот на македонскиот шампион испратија порака дека е потребно трпение, но и дека амбициите остануваат високи.

Прегледи:

Датум:

Еурофарм Пелистер влегува во исклучително напорен период, во кој битолчани ги очекуваат неколку сериозни предизвици на домашната и европската сцена. Пред дуелот со германскиот Гумерсбах, од таборот на македонскиот шампион испратија порака дека е потребно трпение, но и дека амбициите остануваат високи.

Германскиот противник е екипа со сериозен квалитет, составена од ракометари од различни европски земји, а во Пелистер се свесни дека ги очекува тежок натпревар. И покрај отсуството на Рогановиќ, противникот не се смета за послаб, ниту пак се очекува лесна задача за битолчани.

Распоредот дополнително ја отежнува ситуацијата. По Гумерсбах, Пелистер со само еден ден одмор ќе патува за Скопје, каде што го очекува дуелот со Алкалоид. Потоа следува и пресметката со Охрид, уште еден тим со шампионски амбиции, а во низата натпревари се вклучува и полски противник.

Од клубот не бегаат од одговорноста, но бараат реален пристап и постепено градење на резултатите. Особено е нагласено дека првенството останува главната цел, додека во Европа тимот ќе се обиде да покаже дека има квалитет за рамноправно надигрување.

„Мораме да одиме чекор по чекор. Треба многу работа, скромност и трпение. Сакам да ги воспитам играчите да бидат вистински луѓе, но и врвни ракометари, бидејќи според мене не може да се биде врвен спортист ако не си добар човек“, вели тренерот на битолчани, Лино Червар.

Посебно внимание беше посветено и на навивачите, од кои се бара разбирање за периодот низ кој минува екипата. Пораката е дека резултатите не можат да се градат преку ноќ, но дека клубот има јасна цел повторно да се позиционира таму каде што му е местото.

„Нашата прва цел е домашното првенство, но ќе се обидеме и во Европа да покажеме дека знаеме да играме ракомет. Верувам дека ќе дојдат добри денови и дека повторно ќе го донесеме Еурофарм Пелистер на местото што го заслужува“, порача Червар.

И вториот соговорник испрати слична порака пред дуелот со Гумерсбах. Нагласи дека станува збор за една од најквалитетните екипи во германската Бундеслига, но дека Пелистер ќе се обиде да ги искористи слабостите на противникот.

Воедно, беше упатен и повик до навивачите во што поголем број да ја исполнат салата и да му дадат поддршка на тимот.

За Пелистер следуваат денови во кои ќе треба да покаже колку навистина може. Густ распоред, квалитетни противници и големи очекувања од битолската публика. Во такви околности, трпението е важно, но на крајот сепак ќе се суди според она што екипата ќе го покаже на теренот.

Сподели:

повеќе вести
ПОВРЗАНИ

Хаос во соблекувалната на Франција: Ѕвездите се судриле по поразот од Италија

Според медиумските извештаи, атмосферата во француската репрезентација е напната...

Винисиус си ја отвори душата: Не се подготвив добро по СП, сè што се случи остави трага врз мене

Винисиус Жуниор беше блиску до заминување од Реал Мадрид...

Крај на една ера: Ромелу Лукаку се збогува со Белгија

Најдобриот стрелец на сите времиња во Белгија, Ромелу Лукаку,...

Зверев: Шест од моите порази против играчи од првите 10 беа од Синнер, кој не е човек

Светскиот број еден, Александар Зверев, го започна своето учество...