Поранешниот дефанзивец на Барселона, Јувентус, Пари Сен Жермен и бразилската репрезентација, Дани Алвеш, се разделува од сопругата Жоана Санс по долгогодишен брак. Веста ја откри новинарот Хави Хојос откако разговараше со самата Санс.
Двојката се венча во 2017 година, а нивната ќерка Хулета се роди во октомври 2025 година. Санс ја иницираше разделбата, а главната причина е зголемената посветеност на 43-годишниот Бразилец на религијата, што негативно влијаеше на нивниот семеен однос.
„Жоана Санс и Дани Алвеш се во процес на финализирање на нивниот развод. Откако ја добив оваа информација, ја контактирав Жоана и таа ми ги објасни причините за оваа одлука“, објави Хојос.
Новинарот објаснува дека поранешниот десен бек неодамна патува низ светот како проповедник и предавач, проповедајќи ја евангелистичката вера. Сепак, оваа занимање довело до сериозно растојание меѓу него и неговата сопруга и нивното дете.
„Како што ми објасни Жоана, ова го оддалечило од неа и од нивната ќерка и таа се чувствува сосема сама. Таа ја разбира верата на Дани и нема да има ништо против тој да ја чита Библијата или да оди во црква. Но, неговата одлука целиот свој живот да го посвети на религијата го изолираше од семејството. На крајот, таа одлучи да стави крај на тоа велејќи: „Доста ми е, доста ми е, доста ми е“. Затоа тие моментално се разделени и го финализираат разводот“, додаде новинарката.
