Седумкратниот светски шампион во Формула 1, Луис Хамилтон, ги негираше медиумските извештаи дека побарал некој член од персоналот на Ферари да биде заменет, бидејќи е незадоволен од работата на тимот и неговиот однос со шефот на тимот, Фред Васер.
Италијанскиот весник „Кориере дела Сера“ објави дека британскиот возач барал промени во персоналот на патеката и дека неговиот однос со Васер се влошил.
„Видов некои приказни што се појавија и сакам да ги разјаснам овде. Никогаш не сум побарал никој во мојот тим да биде заменет. Секој со кого соработувам работи напорно секој ден и нивната посветеност е она што нè движи напред“, напиша Хамилтон покрај фотографија со членови на Ферари.
Британецот ја критикуваше работата на тимот во неколку наврати преку радио во текот на сезоната.
Хамилтон ја забележа својата прва победа за Ферари на Големата награда на Шпанија во јули. Тој моментално е трет во генералниот пласман, но е без пласман на подиумот во последните пет трки.
