Главниот инженер на Ред Бул, Џанпјеро Ламбиазе, се согласи да се приклучи на Мекларен од 2028 година, објавија денес британските медиуми.
Британецот, кој е најпознат како тркачки инженер на Макс Верстапен, ќе ја преземе улогата на поддршка на шефот на тимот, Андреа Стела. Според Би-Би-Си, точните детали и новата позиција сè уште не се познати.
Ниту Мекларен, ниту Ред Бул, не беа подготвени да ја коментираат веста, но извори на Би-Би-Си од двата тима ја потврдија информацијата.
Ламбиазе, моментално раководител на тркачкиот инженеринг на Ред Бул, ќе стане третата личност што се преселила од Ред Бул во Мекларен во последните години.
Роб Маршал му се придружи на Мекларен како главен дизајнер на почетокот на 2024 година, додека поранешниот шеф на тркачката стратегија на „биковите“, Вил Кортни, стана спортски директор на Мекларен во јануари оваа година.
Ред Бул е, исто така, без техничкиот директор Адриан Њуи и спортскиот директор Џонатан Витли од почетокот на 2024 година. И двајцата го напуштија тимот пред поранешниот тимски шеф Кристијан Хорнер да биде отпуштен во јули 2025 година, потсетува Би-Би-Си.
