Светскиот шампион Ландо Норис ја освои својата трета пол-позиција во сезоната во Формула 1 откако победи во квалификациите за утрешната Голема награда на Шпанија во Мадрид.
Британецот ја освои пол-позицијата со силен круг на крајот од квалификациите, со време од 1:31.824. Тој беше само 0,011 секунди пред лидерот во генералниот пласман Андреа Кими Антонели, кој исто така имаше силен круг и мислеше дека ја обезбедил пол-позицијата, но Норис го шокираше.
Макс Верстапен ќе биде трет на стартната линија утре, завршувајќи 0,140 зад Норис, а Луис Хамилтон ќе биде веднаш до Холанѓанецот во вториот ред. Британецот водеше по првите летечки кругови од третата фаза, потоа го подобри своето време, но сепак изгуби три позиции и ќе започне четврти.
Неговиот колега Шарл Леклер ќе започне од петтото место, делејќи го третиот ред со Џорџ Расел. Зад нив, првите 10 на стартната линија ќе ги комплетираат Оскар Пјастри, Лиам Лосон, Франко Колапинто и Арвид Линдблад.
