Real American Freestyle (RAF) официјално го објави својот прв настан во Обединетите Арапски Емирати. Галата ќе се одржи на 14 ноември во Етихад Арената во Абу Даби, а големото име на главниот настан ќе биде Хамзат Чимаев.
Засега, организацијата не откри кој ќе биде противникот на поранешниот шампион во средна категорија на UFC. Се очекува дополнително да бидат објавени и останатите учесници, меѓу кои RAF ветува познати претставници на борење и борбени спортови.
Сепак, интригата околу противникот на Чимаев е веќе сериозна. На прес-конференцијата пред RAF 13 во Мајами, тој како ненамерно да ги откри плановите за борба со Колби Ковингтон во Абу Даби.
„Мислам дека ќе се бориме со Колби во Абу Даби. Можеби го објавив прерано. Извинете момци.“, изјави тогаш Чимаев.
Сепак, RAF официјално не го потврди Ковингтон како негов противник за 14 ноември во овој момент.
Самиот Ковингтон неодамна го наведе Чимаев како еден од своите посакувани противници откако го победи Белал Мухамед на RAF 13. „Хаосот“ го стави Камару Усман на врвот на својата листа, но изјави дека борбата со Чимаев е, исто така, од интерес за него.
Така, официјалното објавување на противникот на Чимаев станува еден од големите прашалници пред дебито на Real American Freestyle во Абу Даби.
RAF IS COMING TO ABU DHABI. 🇦🇪@KChimaev headlines our UAE debut on November 14 at Etihad Arena.
More of the biggest names in wrestling and combat sports to be announced.
Khamzat’s opponent coming soon.
RAF ABU DHABI. NOV 14.
Register your interest at link in bio. pic.twitter.com/lDN1rX0zbg
— Real American Freestyle (@RAFWrestlingUSA) September 21, 2026
