Џесика Пегула се најде во центарот на вниманието откако камера ја фати како разговара со својот тренер за Мира Андреева, наводно без Американката да знае дека разговорот се снима.
Сè се случи по нивниот тренинг на финалниот ВТА турнир, а Пегула отворено го критикуваше однесувањето и менталитетот на младата Русинка.
„Таа отсекогаш беше многу фина кон мене, но ја изгубив целата почит кон неа. Мислам дека е добро девојче, но се однесува како дива. Треба да научи да остане скромна“, рече Пегула.
Американката беше особено вознемирена од начинот на кој Андреева се однесуваше кон својот тренер за време на тренингот.
„Не сум освоила ниту еден проклет гем, ти водиш со 4-0, а си груба кон тренерот и фрлаш топки кон него… Тоа е непочитување. Молчи, по ѓаволите.“
“Pegula” trying to talk about mentality about GS champion Mirra Andreeva?😹 https://t.co/wgyOyL8E9r
— tm🇿🇼🏴 (@tmlfcc) November 4, 2026
Сепак, Пегула го пофали и огромниот тениски потенцијал на Андреева.
„Таа има совршен сервис, паметна е, едноставно е неверојатно…“
Потоа ја спореди со Коко Гоф, особено кога станува збор за менталитетот.
„Навистина е интересно кога ќе ја погледнете и ќе го видите менталитетот на Коко Гоф. Да го имаше менталитетот на Коко, ќе беше подобра од неа.“
