Виралниот навивач на Манчестер Јунајтед, Френк Илет, повторно е во центарот на вниманието откако неговиот сакан клуб ја забележа четвртата победа по ред, приближувајќи се до, веќе легендарното потстрижување, поблиску од кога било досега.
Попладнево, привремениот менаџер на Јунајтед, Мајкл Карик, ја продолжи својата победничка серија победувајќи го Тотенхем Хотспур со 2-0 на „Олд Трафорд“.
Откако Кристијан Ромеро беше исклучен во првото полувреме поради тежок старт, Јунајтед ја презеде целосната контрола врз играта, а головите на Брајан Мбеумо и капитенот Бруно Фернандез донесоа вредни три бода.
Победата дополнително ги зголеми шансите на Јунајтед за квалификација во Лигата на шампионите, а воедно се приближи неверојатно до врвот на табелата, сега само девет бода зад лидерот Арсенал.
Сепак, никој не беше посреќен од резултатот од Френк Илет. Навивачот стана вирален во октомври 2024 година кога јавно вети дека нема да ја потстриже косата додека Манчестер Јунајтед не победи на пет натпревари по ред.
Сега, 490 дена подоцна, неговата коса „преживеа“ двајца менаџери, бројни кризи и ретки успеси, но победничката серија на Карик го донесе еден чекор поблиску до исполнување на своето ветување. Тој е само на една победа оддалечен.
Илет не го криеше своето возбудување по триумфот над Спарс. Тој накратко објави на Инстаграм: „Тоа е тоа.“
Манчестер Јунајтед е домаќин на Вест Хем Јунајтед на Лондонскиот стадион во вторник вечерта, натпревар кој може да биде клучен не само за бодовите, туку и за иднината на косата на Илет.
Дали Јунајтед ќе издржи уште еден натпревар и дали Френк Илет конечно ќе посети фризер, ќе дознаеме наскоро.
Фото: TheUnitedStrand