🎥Рексам го „потсетија“ Саутемптон за шпионскиот скандал пред утрешниот дуел

Ко-сопствениците на Рексам, Рајан Рејнолдс и Роб Мек (Мекелени), ја искористија можноста да го потсетат Саутемптон за минатогодишниот шпионски скандал пред натпреварот на двата тима во Чемпионшип дивизијата овој викенд (сабота, 16 часот).

Саутемптон беше елиминиран од финалето на плејофот во Премиер лигата минатата година поради скандалот откако Мидлсбро го пријави Саутемптон за шпионажа. Излезе дека „светците“ нелегално ги следеле тренинзите и на Оксфорд и на Ипсвич во текот на сезоната.

Рејнолдс и Мекелени ја искористија можноста да го критикуваат својот конкурент и истовремено да направат реклама за спонзорот чие лого го носат на предната страна од дресот – Firefox.

„Денес, без посебна причина, сакаме да зборуваме за важноста на приватноста. Поточно, како да ги спречите шпионите да видат што правите“, велат холивудските актери.

Секако, тие стојат покрај дрво, токму како членот на тренерскиот штаб на Саутемптон, кој мислел дека добро се крие.

Рејнолдс се шегува во еден дел од видеото за тоа како се обидува да сфати како да води клуб, додека Роб додава дека приватноста е важна за сите, насекаде – особено за Мидлсбро, Оксфорд и Ипсвич.

Ова не е прв пат Рексам да го „боцка“ Саутемптон поради скандалот – кога беше објавен распоредот на натпреварите, Рексам додаде „белешка“ на датумот на натпреварот со Саутемптон, „само за овластени посетители“.

Thanks to @firefox for keeping moles out of our Racecourse and data. 😉

🔴⚪ #WxmAFC pic.twitter.com/vL1kQ9vTRx

— Wrexham AFC (@Wrexham_AFC) September 17, 2026