Аргентинскиот дефанзивец Лисандро Мартинез беше горд на победата од 2-1 над Англија во полуфиналето на Светското првенство и на пласманот на „гаучосите“ во второто последователно финале. Тој верува дека неговиот тим играл без страв на овој натпревар и тоа е она што на крајот донесе успех.
„Сето ова го доживуваме со голема сила. Знаевме многу добро колку е голем овој натпревар и излеговме на теренот за да ја бараме победата. Англија беше многу тежок противник, но кога играш без страв, секогаш победуваш, секогаш успеваш да го постигнеш тоа на крајот“, рече авторитетниот дефанзивец.
Тој не заборави да им се заблагодари на навивачите за нивната безрезервна поддршка: „Исклучително сме среќни што луѓето се идентификуваат со нас. Среќни сме што гледаат тим кој навистина ги претставува достоинствено.“
На крајот од своите коментари, дефанзивецот на Манчестер Јунајтед повика на кратка пауза и уживање во триумфот пред тимот да се упати кон финалниот судир со Шпанија.
„Ни останува само уште еден последен чекор, но засега само ќе уживаме во успехот“, заклучи Лисандро Мартинез.
