Строги проверки, одбивање визи на играчи, судии и новинари и бројни организациски тешкотии го одбележаа воведот на Светското првенство во САД, Мексико и Канада. Последната капка беше одлуката на американските власти да му одбијат виза на сомалискиот судија Омар Артан, што предизвика жестока реакција од фудбалската јавност.
Омар Артан требаше да стане првиот судија во историјата на Сомалија што ќе дели правда на Светско првенство. Сепак, се чини дека овој историски момент за неговата земја сепак нема да се случи поради административни пречки од домаќините на турнирот.
Меѓу многуте критичари на американската организација, се издвои легендарниот англиски напаѓач и актуелен стручен коментатор Иан Рајт, кој не штедеше зборови за да го изрази своето негодување.
Ian Wright, leyenda de Inglaterra, sobre el Mundial.
-"Las entradas más caras de la historia"
-"Los alojamientos más caros de la historia"
-"El precio del transporte por las nubes"
-"Árbitros, aficionados y periodistas expulsados de USA"Los aficionados deben sentir vergüenza. pic.twitter.com/pRSTkTjX1T
— Albert Ortega (@AlbertOrtegaES1) June 9, 2026
„Тукушто читам дека на сомалиски судија му е забранет влез. На секои неколку часа има нова приказна. Нови забрани за навивачи, играчи, службени лица, новинари… А сега и судии?! Знаете што, се смеам, но ова не е ни смешно. Некој мора да каже нешто“, почна Рајт.
„Билетите се прескапи, најскапи досега. Сместување, превоз… Некој мора да каже нешто. Дали вака се однесува домаќинот? Сериозно? За најголемиот спорт, за најголемиот турнир во светот, дали вака се однесува домаќинот? Дали е ова духот на фудбалот? Навистина?“ продолжи тој со остар тон и заклучи:
„Знаете за кого ми е жал? Американските навивачи кои толку многу го сакаа ова. Колку мора да се срамат. Колку мора да е срамно ова за нив. Ова Светско првенство е во хаос. Кој и да го освои, ќе мора да помине низ вистински хаос. Се надевам дека можеме да го направиме тоа, но нешто мора да се каже. Едноставно е така.“
