Кралската шпанска фудбалска федерација ја казни Барселона со 602 евра откако ги истражи несоодветните контакти на каталонскиот клуб со напаѓачот на Атлетико Мадрид, Хулијан Алварез, објави „Мундо Депортиво“.
На 30 јуни, Атлетико Мадрид поднесе жалби до Шпанската федерација и ФИФА. Мадридскиот клуб ја обвини Барселона дека преговарала со играчот без претходно писмено известување. На 30 јули, Федерацијата отвори дисциплинска постапка.
По истрагата, прекршокот беше оценет како мал. Каталонците беа казнети со максималната сума предвидена во член 133 од Дисциплинскиот законик.
Во 2019 година, Барселона доби казна од 300 евра по жалбата од Атлетико Мадрид во врска со преговорите со Антоан Гризман, потсетуваат шпанските медиуми.
