Селекторот на македонската фудбалска репрезентација, Гоце Седлоски вели дека видел добри и лоши работи од последните две пријателски натпревари на нашата репрезентација. Вели дека сите играчи добиле шанси.
-Играчите се тие. Сега сум послободен, не работам во Вардар и ќе ги следам сите младински категории. Дај боже да излезе некој (од таму). Ќе го следам секој што е во добра форма за да ни помогне. Се разбира дека мора да се има квалитет. Да го оставиме ова што беше позади нас. За поразот од Турција, знаеме против кого играме. Ќе ги анализираме грешките, кажа Седлоски на денешната прес-конференција во ФФМ.
За новиот серијал од Лигата на нации, Седлоски вели дека репрезентацијата е во добра група и очекува сите што ќе бидат повикани во тимот, да го дадат максимумот.
Македонија е дел од групата Б1 во која партиципираат селекциите на Шкотска, Швајцарија и Словенија. Според календарот на УЕФА, натпреварите ќе се играат во септември, октомври и ноември, но за разлика од претходните години, првите четири кола ќе се одиграат во десетина дена.
