Поранешниот македонски репрезентативец Филип Лазаров ја продолжува својата успешна тренерска кариера на клупата на германскиот третолигаш Интерактив.
Помладиот брат Лазаров ја заврши својата четврта сезона на клупата на тимот од областа Диселдорф, кој минатата сезона со него доби статус на третолигаш.
За амбициозниот клуб кој се потпира на млади играчи, ова беше сезона на стабилизација во третолигашкото друштво, за што сведочи и неговото место на средината од табелата.
Интерактив ја заврши сезоната на осмото место со 50% од освоените бодови (30:30).
