Крилниот напаѓач на Баерн Минхен, Луис Дијаз, нема намера да се пресели во клуб во Саудиска Арабија. „Баварците“, исто така, немаат желба да се разделат од него. Колумбиецот сака да остане на „Алијанц Арена“ и да се обиде да освои повеќе трофеи со клубот.
Ал-Хилал е заинтересиран за играчот и подготви 70 милиони евра за него. Клубот се обиде да го привлече минатото лето кога му понуди плата од 22,5 милиони евра по сезона.
„Не добивме никакви телефонски повици или нешто друго во врска со Дијаз. Би било глупаво да се разделиме од него, имаме толку добар тим“, беше коментарот на извршниот директор на Баерн, Јан-Кристијан Дрисен.
