Луис Енрике зборуваше со медиуми откако Пари Сен Жермен се квалификуваше во Лигата на шампионите по втор пат по ред. Парижаните стигнаа до финалето откако ремизираа 1-1 со Баерн Минхен во реваншот од полуфиналето, а по победата со 5-4 во првиот натпревар, се пласираа понатаму со вкупен резултат 6-5.
Доколку француските гиганти го кренат трофејот на „Пушкаш Арената“ на 30 мај, ќе станат само вториот тим од крајот на ерата на Европскиот Куп на шампиони што го освоил во последователни сезони.
„Ставот што го покажавме против тим како Баерн е толку позитивен. Многу сме среќни што стигнавме до второто финале на Лигата на шампионите по ред. Беше многу интензивно. Многу тешко. Тие играат фудбал на највисоко ниво. Сакаме силно да притискаме. Многу сме среќни.
Работевме со месеци за да стигнеме до финалето втор пат по ред. Веќе реков дека го имаме најдобриот тим. И не грешев. Баерн е на наше ниво. Арсенал е еден од најдобрите тимови оваа сезона. Тие сè уште имаат шанса да се борат за титулата во Премиер лигата. Уверен сум во мојот тим и го ценам. Но, тешко е да се каже дали сегашниот тим на ПСЖ е посилен од оној од минатата сезона“, рече Енрике.
