Оливер Гласнер ќе стане петтиот менаџер на Нотингем Форест за помалку од една година. Австрискиот стручњак има историски период зад себе во Кристал Палас, каде што ги освои единствените три големи трофеи во историјата на клубот – ФА Купот, Конференциската лига и Комјунити Шилд. Пред тоа, тој го крена и трофејот од Лигата на Европа со Ајнтрахт Франкфурт.
Гласнер (51) беше несреќен во Лондон и го најави своето заминување пред крајот на сезоната, но никој не очекуваше дека ќе се пресели во тим кој е рангиран пониско. Наместо да се обиде со „орлите“ во второто најсилно европско натпреварување, стратегот ќе го предводи тимот кој го освои 16-то место во Премиер лигата.
🚨🌳 Oliver Glasner to Nottingham Forest, here we go! Deal in place for former Palace manager to replace Pereira at #NFFC.
Glasner will bring key people from his staff and will be involved in transfer decisions. pic.twitter.com/Lisurv5x68
— Fabrizio Romano (@FabrizioRomano) July 1, 2026
Екипата од „Селхерст“ беше само едно место повисоко, но европскиот трофеј ги лансираше во Европа уште тогаш. Гласнер ќе мора да се снајде без англискиот репрезентативец Елиот Андерсон во Нотингем, кој му се придружи на Манчестер Сити за огромни 130 милиони евра.
Според информациите од Островот, сопственикот на двократниот победник во Лигата на шампионите, Евангелос Маринакис, ја искористил клаузулата и го раскинал договорот со Витор Переира само неколку минути пред истекот на правото на таа опција. Пред Португалецот, „шумарите“ минатата сезона ги водеа Шон Дајч, Нуно Еспирито Санто и Анџе Постекоглу.
Се очекува поранешниот главен тренер на ЛАСК и Волфсбург да добие значителни средства во Форест за зајакнување на играчкиот кадар, како и дека ќе има значително поголема плата отколку во главниот град. Тој ќе ги земе со себе и клучните соработници кои му помогнаа во Палас.
