Голманот на Ливерпул, Алисон, нема да игра во следните неколку недели поради повреда на бутниот мускул, објави тренерот на англискиот шампион, Арне Слот.
Алисон (33) се повреди пред три недели, поради што не играше за Бразил на пријателските натпревари против Франција и Хрватска.
„Алисон нема да биде дел од натпреварите против Пари Сен Жермен. Ќе биде надвор од терените уште малку. Очекуваме повторно да биде подготвен кон крајот на сезоната“, рече Слот на прес-конференција.
Кога станува збор за Светското првенство, кое започнува на 14 јуни, Алисон ќе биде подготвен да му се стави на располагање на тренерот Карло Анчелоти.
Во отсуство на повредениот Алисон, голот на Ливерпул ќе го брани Ѓорѓи Мамардашвили.
