Рома мораше да плати 500.000 евра на Аталанта за да го организира трансферот на новиот спортски директор од Бергамо во Рим. Водечкиот оперативен лидер на Божицата, Лука Перкаси остана доследен до крајот и го принуди својот колега Рајан Фридкин да напише чек од половина милион евра за да го добие Тони Д’Амико по фудбалската сапуница што траеше две недели.
Д’Амикo има многу работа пред себе. Продолжување на договорите со Дибала, Челик, Манчини и Пелегрини, наоѓање 60 милиони плус до 30 јуни или дополнителен договор за одложување на гореспоменатата обврска со УЕФА, плус доведување засилувања од списокот на Џан Пјеро Гасперини.
Семејството Фридкин издвои 100 милиони евра за трите главни засилувања што ги бара Гасп. Двајца се веќе познати, Гринвуд и Алајбеговиќ, додека третото име зависи и од цената на двајцата гореспоменати фудбалери. Во подготовка за преговорите со Гринвуд, Фридкин го зголемија и ограничувањето на нето платата од 3.500.000 евра на 4.500.000. На овој начин, апетитите на англискиот крилен играч би можеле да бидат задоволени со бонуси.
Патем, агентот на Матијас суле пристигна во Рим. Аргентинецот разбира дека може да биде доста затворен следната година, бидејќи покрај Алајбеговиќ и Гринвуд, Гасп сака уште еден офанзивен плејмејкер, а продолжувањето на договорот со Дибала е завршена работа.
Во таква констелација, Суле разбира дека би било корисно да се промени средината. Досега, само Борусија Дортмунд покажа интерес за Аргентинецот, додека тој би претпочитал да ја продолжи кариерата во Англија. Цената на Суле не е превисока, особено за англиските стандарди и возраста на фудбалерот на Рома – 40 милиони.
