Напаѓачот на Барселона, Ламин Јамал, изјави дека освојувањето на Лигата на шампионите е негова главна цел во новата сезона, со порака дека тимот ќе направи сѐ за да стигне до трофејот.
Деветнаесет-годишниот фудбалер зборуваше и за одлуката на неговите соиграчи да го изберат за еден од заменик-капитените на Барселона. Заедно со него, за таа улога беа избрани Ерик Гарсија и Френки де Јонг, додека тренерот Ханси Флик и неговите соработници одлучија да ја комплетираат капитенската група со Рафиња и Педри.
„Нема поголема мотивација од Лигата на шампионите. Тоа е единствениот трофеј што сè уште не сум го освоил. Ќе направиме сѐ што можеме за да го освоиме. Пристигнаа квалитетни играчи како Ентони Гордон, Карим Адејеми и Родри“, рече Ламин на прес-конференција.
Неговиот избор е изненадување, со оглед на тоа што капитенските улоги во Барселона традиционално се резервирани за поискусни играчи. Ламин, на само 19 години, стана петтиот играч во хиерархијата што ја носи капитенската лента.
„Горд сум што ја имам оваа улога на 19 години. Многу сум благодарен на моите соиграчи. Тоа е позиција што носи одговорност, без оглед на моите години. Многу сум среќен“, рече Џамал.
Барселона влегува во Лигата на шампионите со големи амбиции, по неколку болни елиминации. Каталонскиот клуб се стреми да ја прекине 11-годишната пауза во елитното европско натпреварување.
