Германскиот стручњак Јоаким Лев е фаворит да го преземе кормилото на фудбалската репрезентација на Гана.
Гана го отпушти селекторот Ото Ада 72 дена пред почетокот на овогодинешното Светско првенство, оставајќи ги во криза кога станува збор за избор на нов селектор.
Според медиумските извештаи во земјата на „Црните ѕвезди“, по интензивни преговори во последните 24 часа, постигнат е договор со Лев.
Ова воедно означува враќање на работа на светскиот шампион од 2014 година со Германија, кој не работел никаде од 2021 година и негово збогување со „панцирите“.
Светското првенство, кое се одржува во Канада, Мексико и САД, се одржува од 11 јуни до 19 јули.
Гана ќе игра во групата Л против Панама на 18 јуни (01:00 часот), потоа против Англија на 23 јуни (22:00 часот) и Хрватска на 27 јуни (23:00 часот).
