Тренерот на Интер, Кристијан Киву, ги сподели своите емоции по драматичната победа над Комо (3:2) во реваншот од полуфиналето на Купот на Италија.
„Ова се должи на работата на целиот тим, во кој играчите од првиот ден се ставија во служба на тимот и секогаш се покажуваат најдобро што можат кога ќе излезат на теренот“, рече Киву.
„Денес (вчера) резервите ни дадоа огромна помош и одиграа одлучувачка улога. Ова е заслуга на тим кој има луда желба да се бори до самиот крај“, објасни романскиот стручњак.
„Знаевме каков е Комо. Успеавме да постигнеме толку многу голови против нив затоа што моите момци имаат желба и гордост. Победувањето на Комо двапати за 10 дена (на 12 април, Интер победи со 4-3 на гости во Серија А – н.з.) е нешто што само луд тим како Интер може да го постигне“, додаде Киву.
На прашањето дали тимот може да го освои и првенството и Купот на Италија оваа сезона, тренерот на „нероазурите“ одговори: „Заслужувавме шанса да сонуваме за тоа и можеме да ги постигнеме нашите цели во првенството и Купот на Италија“.
 во реваншот од полуфиналето на Купот на Италија){kind=link}