Дефанзивецот на Реал Мадрид, Антонио Рудигер, имал конфликт со соиграч, објави „Атлетик“ денеска. Во април, Германецот се скарал со друг играч од првиот тим на „белите“ во соблекувалната на тренинг-центарот на 15-кратниот клупски шампион на Европа.
Самиот Рудигер го иницирал конфликтот, објасни „Атлетик“. Германецот потоа се извинил за своето однесување.
Минатиот петок, ги поканил своите соиграчи и нивните семејства на вечера. „Белите“, предводени од привремениот тренер Алваро Арбелоа, се 11 бода зад лидерот на табелата Барселона и ќе ја завршат сезоната без трофеј.
Во недела, двата тима ќе излезат во Ел Класико во 21:00 часот по наше време, а доколку Каталонците победат, ќе се поздрават со титулата во Ла Лига.
