Последното зрно сомнеж за обновување на „љубовта“ меѓу Реал Мадрид и Жозе Мурињо е отстрането, бидејќи клубот на познатиот португалски тренер, Бенфика, доцна синоќа објави дека докажаниот стручњак ќе ја продолжи својата трофејна кариера на стадионот „Сантијаго Бернабеу“.
Со оглед на тоа што по размената на согласност на Специјалниот и повторно избран претседател на освојувачот на најмногу европски шампионски титули, Флорентино Перез, постигнат е договор меѓу неговиот поранешен и иден работодавач.
Во меѓувреме, првиот тренинг под команда на повратникот на клупата на европскиот и светскиот гигант е закажан за 13 јули.
A Benfica SAD comunicou à CMVM que o Real Madrid CF formalizou a intenção de contratar José Mourinho pelo valor de 15 milhões de euros, tendo o treinador dado o seu acordo.
Obrigado, José Mourinho. pic.twitter.com/KXZ6niXRWo
— SL Benfica (@SLBenfica) June 9, 2026
„Бенфика ја извести португалската Комисија за заштита на пазарот дека Реал Мадрид официјално ја изразил својата намера да го ангажира Жозе Мурињо за сума од 15.000.000 евра, со веќе постигнат договор со тренерот. Tи благодариме, Жозе Мурињо“, се вели во првото соопштение на Бенфика.
Кратко потоа, великанот од „Ла Луж“ го официјализираше и доаѓањето на наследникот на Мурињо, чие име исто така беше познато.
„Спортскиот клуб Бенфика ја информираше Комисијата за заштита на пазарот дека постигна договор со Марко Силва за договор за вработување во следните две години, кој може да се продолжи за сезоната 2028/29“.
Силва ги помина претходните пет години на клупата на Фулам, а за да ја предводи Бенфика се согласи на значително пониска плата од онаа што ја имаше во Лондон. Силва се надева дека ќе освојува трофеи, што не беше случај со англискиот тим.
