Легендарниот Златан Ибрахимовиќ го даде своето предвидување за натпреварот од осминафиналето на Светското првенство помеѓу САД и Босна и Херцеговина.
Како што е познато, Ибрахимовиќ работи како стручен коментатор на Фокс, заедно со Тиери Анри и Алекси Лалас, поранешен фудбалер и член на репрезентацијата на САД.
Лалас прво рече дека очекувањата се САД да победат.
„Но, тоа не значи дека не можат да прават грешки. Мислам дека сме подобри и дека ќе победиме, но нема да биде лесно“, рече Лалас.
Ибрахимовиќ се надоврза на тоа, велејќи дека Босна и Херцеговина е втората репрезентација од Европа против која играат САД на ова Светско првенство.
„Не можете никого да потцените. Играте против втор европски тим, а првиот беше Турција. Ова е ситуација „да се биде или не“ за САД. Тие мора да бидат фокусирани, тие се на домашен терен и се фаворити само поради тоа. Нема да им биде лесно, сигурно“, рече Ибрахимовиќ.
За потсетување, натпреварот помеѓу САД и Босна и Херцеговина се игра вечерва во 02:00 часот по локално време на стадионот „Левис“ во Сан Франциско.
