Фудбалерите на Аргентина се квалификуваа за финалето на Светското првенство по големото изненадување против Англија (2:1), но нивните прослави на теренот набрзо беа засенети од политичка порака што може да има сериозни последици.
Веднаш по натпреварот, аргентинската репрезентација развеа транспарент со натпис: „Las Malvinas son Argentinas“ („Малвинските острови ѝ припаѓаат на Аргентина“), јасно алудирајќи на долгогодишниот територијален спор со Велика Британија околу Фолкландските Острови.
Банерот го држеа во рацете Лисандро Мартинез и Џовани Ло Селсо, додека нивните соиграчи им се придружија за време на прославата. Фотографиите и видеата набрзо го обиколија светот и предизвикаа бурни реакции, особено во Велика Британија.
Ова е едно од најчувствителните политички прашања меѓу двете земји. Во 1982 година, Аргентина и Велика Британија водеа војна за островите, кои Британците ги нарекуваат Фолкландски Острови, а Аргентинците Малвини. Иако поминаа повеќе од четири децении од конфликтот, прашањето за суверенитетот продолжува да предизвикува голема тензија.
Argentina desplegó en el campo un cartel con la inscripción: "Las Islas Malvinas son argentinas"
Así es como Argentina denomina a las Islas Falkland, un territorio británico de ultramar en el Océano Atlántico Sur. En 1982, Argentina y el Reino Unido iniciaron una guerra por el pic.twitter.com/Rf6IR8z8BP— Marian🇷🇺🇨🇳 (@marianpy1) July 16, 2026
Целата ситуација добива дополнителен симболизам бидејќи пораката беше истакната веднаш по победата над Англија. Дуелот меѓу овие две репрезентации носи силен историски и политички полнеж со децении, уште од познатиот четвртфинален натпревар на Светското првенство во 1986 година, кога Диего Марадона го постигна легендарниот гол „Божјата рака“, а потоа и еден од најубавите голови во историјата на Светските првенства.
Според прописите на ФИФА, политичките пораки и транспарентите не се дозволени за време на натпреварите и официјалните активности на стадионот. Поради ова, Аргентинската фудбалска асоцијација би можела да биде под истрага, а од ФИФА се очекува да ги разгледа достапните снимки и да утврди како транспарентот се нашол на теренот, како и кои играчи учествувале во неговото прикажување.
Аргентина стигна до своето второ последователно финале по спектакуларен пресврт. Англија водеше речиси до самиот крај, но Аргентинците постигнаа два гола во финалето и го закажаа финалето против Шпанија. Англија сега се соочува со дуел со Франција во борбата за третото место во недела 23:00 часот по македонско време.
, но нивните прослави на теренот набрзо беа засенети од политичка порака што може да има сериозни последици.){kind=link}