Кошаркарите на Арис Солун го победија Сан Пабло Бургос со 93:80 во второто коло од Еврокупот, во Групата А. Ова беше втора победа за тимот на Василис Спанулис, прва пред домашните навивачи кои, како што се очекуваше, режираа спектакуларна атмосфера и го однесоа својот тим до убедлив триумф.
Со таков ураган, јасно е дека е тешко за кој било гостувачки тим да се справи и да се натпреварува на теренот со сигурно многу квалитетниот тим на Арис, кој оваа сезона, со нови сопственици, има најголеми амбиции во второто најсилно европско натпреварување.
🔥 El ambiente que se ha encontrado el @SanPabloBurgos en el partido frente al Aris
El arranque del partido se ha retrasado ya más de 10 minutos mientras terminan de limpiar la cancha
https://t.co/9aNs6LPoJq— Gigantes del Basket (@GIGANTESbasket) October 7, 2026
Носени од заразната енергија на навивачите, тимот на Спанулис го надигра шпанскиот тим во сите елементи на кошаркарската игра – гостите веќе беа поразени до полувремето.
Првата четвртина, и сè што се случи во тој период од натпреварот, беше јасен показател за насоката во која ќе се движи резултатот и дека гостите нема да имаат ни дел од шансата да ја расипат забавата во Солун.
По одличната прва четвртина, во втората, во која нашиот Ненад Димитријевиќ, Берч, Митро-Лонг, браќата Антетокунмпо и другите наметнаа силен ритам и притисок, предноста на домашните се зголеми, на +23 по 20 минути.
Остатокот од натпреварот беше рутина за Арис.
Кај победниците најефикасен беше македонскиот репрезентативец со 21 поен и 6 асистенции, Харалампопулос постигна 13, Робинсон-Ерл, Морган и Адам Мокока, го завршија натпреварот со по 11 поени…
Еврокуп, 2. коло
Група А
Цедевита – Хапоел 64:75
Тортона – Ле Ман 89:83
Арис – Бургос 93:80
Росток – Ригас 87:86
