Кошаркарот на Лос Анџелес Лејкерс, Лука Дончиќ, изјави дека е среќен што не играл кошарка некое време и дека сега е целосно подготвен.
Следната сезона, Лејкерс ќе зависат уште повеќе од Дончиќ офанзивно, откако Леброн Џејмс го напушти тимот како слободен агент и се приклучи на Филаделфија 76 ерс.
Словенечкиот интернационалец беше најдобар стрелец во НБА минатата сезона, но се повреди на крајот од регуларната сезона, што го спречи да им помогне на своите соиграчи во плејофот.
Дончиќ минатата сезона имаше просек од 33,5 поени, 7,7 скока и 8,3 асистенции по натпревар.
Лејкерс беа елиминирани во втората рунда од плејофот на Западната конференција од Оклахома Сити Тандер, шампионите во сезоната 2024-25.
„Првите неколку недели по завршувањето на сезоната направив вистинска пауза од кошарката за да го вратам моето тело во форма. Моето закрепнување помина одлично и повторно сум 100 проценти здрав“, напиша 27-годишниот кошаркар во писмо до навивачите на Лејкерси.
Дончиќ, исто така, одлучи да ги угости Лејкерси во Словенија за четиридневен престој во август, за што подготви голем број активности за тимот. Претходно се посвети на своето семејство и децата, откако се раздели од вереницата.
„Земање одмор од кошарката е нешто што го правам на почетокот на секое лето, помеѓу сезоните. Можеби е поинаков начин на работа, но ми функционира“, рече Дончиќ, додавајќи: „Кога си дозволувам малку да ми недостасува играта и да пробам некои нови работи, тоа ме возбудува и ме мотивира да се вратам на играњето кошарка“.
