Американскиот кошаркар Китон Волас е нов играч на Макаби Тел Авив.
Волас, кој играше за Атланта Хокс во последните две сезони, потпиша двегодишен договор со „Гордоста на Израел“.
Тој ќе заработува 2,5 милиони евра за време на траењето на договорот и ќе дели минути на позицијата бек со сонародникот Џими Кларк.
Пред да влезе во НБА, Волас играше за Универзитетот во Тексас, од 2021 до 2024 година играше во „Џи лигата“ за развојните тимови на Клиперс и Хокс, а беше дел од главниот состав на тимот на Џорџија во последните две сезони.
Минатата сезона, тој имаше просек од 4,2 поени, 1,3 скока и 2,1 асистенции по натпревар, за 12,3 минути.
